චීනය සහ ශ්රී ලංකාව අතර පවතින දීර්ඝකාලීන මිතුදමේ ප්රතිඵලයක් ලෙස, ශ්රී ලංකා චීන මිත්රත්ව සංගමය විසින් ප්රකාශයට පත්කරන මා හැඟි කෘතියක් එළඹෙන බ්රහස්පතින්දා (16) දිනයේ එළිදැක්වීමට කටයුතු යොදා තිබෙනවා.
“ශ්රී ලංකා – චීන මිතුදම” කෘතිය සංස්කරණය කර ඇත්තේ, ශ්රි ලංකා – චීන මිත්ර සංගමයේ සභාපති ජ්යෙෂ්ඨ නීතීඥ ආනන්ද ගුණතිලක මහතා ප්රමුඛ මණ්ඩලයක් විසින්.
එම කෘතිය තුළ කලා, දේශපාලන,ආර්ථික සහ සාමාජීය වැනි ක්ෂේත්ර රැසක සාරගර්භ ලිපි රැසක් අන්තර්ගත කර තිබෙනවා.
විවිධ විද්වතුන්, බුද්ධිමතුන් රැසක බුද්ධිමය දායකත්වයෙන් සංග්රහ කර ඇති මෙම කෘතිය එළැඹෙන 16 වැනි බ්රහස්පතින්දා සවස 3.00ට ජාතික පුස්තකාල හා ප්රලේඛණ මණ්ඩල ශ්රවණාගාරයේදී දොරට වැඩීමට නියමිතයි.
උත්සවය සඳහා ගරු අග්රාමාත්ය දිනේෂ් ගුණවර්ධන, හිටපු කතානායක කරු ජයසූරිය, ශ්රී ලංකාවේ චීන තානාපතිතුමන් ඇතුළු සම්භාවනීය පිරිසක් පැමිණීමටද නියමිතව බවද සඳහන්.
මෙම උත්සවය සඳහා සහභාගීවීමට කැමති සියලුම දෙනා හට නොමිලයේ මෙම කෘතිය පිරිනැමීමට ශ්රි ලංකා – චීන මිත්ර සංගමය තීරණය කර තිබෙනවා.
ඒ සඳහා ඔබ විසින් කළ යුත්තේ 071 809 8970 අංකයට අමතා ඔබේ විස්තර ලබාදී පැමිණීම සනාථ කිරීම පමණයි.