පාසල් භුමියේ ගොඩ ගසා තිබු කොන්ක්රිට් බොක්කුවක් ඇග මතට පෙරලිමෙන් පාසල් සිසුවෙකු ජිවිතක්ෂයට පත්ව තිබෙන බවට වාර්තා වනවා.
තේ වත්තක සංවර්ධන කටයුත්තක් සදහා රැගෙන විත් පාසල් භුමියේ ගොඩගසා තිබු කොන්ක්රිට් බොක්කුවක් ඇග මතට පෙරලිමෙන් බරපතල ලෙස තුවාල ලැබු පාසල් සිසුවාකු රෝහල වෙත ඇතුලත් කිරිමෙන් පසු ජිවිතක්ෂයට පත්ව තිබෙන බව මස්කෙලිය පොලිසිය පවසනවා.
මෙසේ ජිවිතක්ෂයට පත් වි ඇත්තේ මස්කෙලිය ගාඩ්මොර් වතුයායේ පදිංචි එම පාසලේ 6 වසරේ අධ්යාපනය ලබමින් සිටි එස්.අනිෂන් නැමති (11) හැවිරිදි පාසල් සිසුවෙක්.
ජිවිතක්ෂයට පත් පාසල් සිසුවා ඔහුගේ මිතුරන් දෙදෙනෙකු සමග අද (04) පස්වරු 1.30 ට පමණ වැසිකිලිය වෙත යාම සදහා පැමිණි අවස්තාවේදී පාසල් භුමියේ ගොඩගසා තිබු කොන්ක්රිට් බොක්කුවක් සිසුවාගේ ඇග මතට පෙරලිම නිසා වැසිකිලියේ බිත්තියට සිරවි බරපතල තුවාල ලබා තිබෙනවා.
පසුව පාසලේ ගුරුවරුන් සහ අසල්වාසින් එක්ව තුවාල ලබා සිටි පාසල් සිසුවා සුවසැරිය ගිලන් රථය මගින් මස්කෙලිය ප්රාදේශිය රෝහල වෙත ඇතුලත් කිරිමෙන් පසු ජිවිතක්ෂයට පත්ව තිබෙන බවයි වාර්තා වන්නේ.
සිද්ධිය සම්බන්ධයෙන් මස්කෙලිය පොලිසිය විමර්ෂණයක් ආරම්භ කර තිබෙනවා.
හැටන්-රංජිත් රාජපක්ෂ