පොලිස් මුල්‍ය අපරාධ කොට්ඨාශය ලබන සතියේ සිට යළි ස්ථාපනය කරන බව මහජන ආරක්ෂක අමාත්‍ය ආනන්ද විජේපාල මහතා පවසනවා.
ඒ අනුව අපරාධ පරික්ෂණ දෙපාර්තමේන්තුවේ සතුව පවතින පැමිණිලි ගොනු 29,000ක් අතරින් මුල්‍ය අපරාධ පිළිබඳ විමර්ෂණ ආරම්භ කරන බව අමාත්‍යවරයා පවසා සිටියා.
අද (21) පාර්ලිමේන්තුවේ අදහස් දක්වමින් අමාත්‍යවරයා මේ බව සඳහන් කළා.
”අපි මේ සභාවට පොරෙන්දු වෙනවා මේ රටේ වැළලි යන සියලු අපරාධ සම්බන්ධයෙන් විමර්ෂණයක් කරන්න මේ වෙන කොට පොලිසිය සුදානම්.අපරාධ පරීක්ෂණ දෙපාර්තමේන්තුවේ ලිපි ගොනු 400-500ක් නෙමෙයි පැමිණිලි ගොනු 29,000ක් තියනවා.මුල්‍ය අපරාධ කොට්ඨාශය ලබන සතියේ නැවත ස්ථාපිත කරනවා….මුල්‍ය අපරාධ සම්බන්ධයෙන් තිබෙන ලිපිගොනු ලබාදී නැවත විමර්ෂණය කරනවා.”
