ඩීසල් මිළ පහළ ගියත් බස් ගාස්තුව අඩු කිරීමට බාධාවක් වී තිබෙන කොවිඩ් නිර්දේශ චක්‍රලේඛ ඉවත් කිරීමට සෞඛ්‍යය අමාත්‍යාංශය එකඟතාව පළ කර ඇති බව සඳහන් වනවා.
කොරෝනා වෛරසය පැතිර යෑම වැලැක්වීම සඳහා පොදු ප්‍රවාහන බස් රථවල ආසන ගණනට පමණක් මඟීන් ගෙන යා යුතු යැයි සෞඛ්‍ය අමාත්‍යාංශය නිකුත් කළ චක්‍රලේඛය හේතුවෙන් බස් හිමියන් සඳහා ලබාදුන් සියයට 10ක අමතර බස් ගාස්තුව වැඩිවීම පහත දැමීමට නොහැකිව තිබුණා.
ප්‍රවාහන අමාත්‍යාංශයේ ආරංචි මාර්ග පෙන්වා දෙන්නේ ඒ අනුව වහාම එම චක්‍රලේඛය ඉවත් කර බස් ගාස්තු සංශෝධනය කිරීමට ජාතික ගමනාගමන කොමිසම සුදානමින් පසුවන බවයි.
කෙසේ වෙතත් මීට මාස දෙකකට ඩීසල් මිල රුපියල් 15කින් පහත දැමු අතර ඉන් පසු බස් ගාස්තු සියයට 10කින් අඩු කිරීමට පියවර ගනු ලැබුවා.
