සිය දෙවන ධූර කාලය ගෙවමින් සිටින අජිත් නිවාඩ් කබ්රාල් ඇතුළු වත්මන් සහ හිටපු අධිපතිවරුන් සඳහා අලුතින් අනුමත කරන ලද හිඟ විශ්‍රාම වැටුප් සඳහා ශ්‍රී ලංකා මහ බැංකුව විසින් රුපියල් මිලියන 7 ක මුදලක් ලබා දී ඇති බව නිල ආරංචි මාර්ග පවසන බව ද සන්ඩේ ටයිම්ස් වාර්තා කරනවා.
කබ්රාල් මේ වන විට ඔහුගේ පෙර වැටුපෙන් 74%ක් විශ්‍රාම වැටුප ලෙසත්, මසකට රුපියල් 400,000ක් බැගින් වත්මන් වැටුප ලෙසත් ලබමින් සිටින අතර එය ඔහුට පෙර ධූරය හෙබවූ ඉන්ද්‍රජිත් කුමාරස්වාමි ගේ වැටුප වන රුපියල් 150,000ට වඩා පැහැදිලි වැඩිවීමකි. එමෙන්ම බැඳුම්කර වංචා චෝදනා මත ධූරයෙන් ඉවත් වූ අර්ජුන මහේන්ද්‍රන් හට මසකට රුපියල් 70,000ක් හිමිවූ අතර නව විශ්‍රාම වැටුප් ක්‍රමයෙන් ඔහුව ඉවත් කරන ලදී.
2021 සැප්තැම්බර් මාසයේදී මහබැංකු අධිපති ලෙස වැඩ භාරගත් කබ්රාල් මහතාට නව වැටුප පදනම් කරගෙන ඔහුගේ මීළඟ විශ්‍රාම වැටුප ලැබෙනු ඇත. හිඟ මුදල්වලින් වැඩි ප්‍රමාණයක් ඔහුට ගෙවා ඇති බව ආරංචි මාර්ග තහවුරු කරයි. ඔහුගේ පත්වීමට ඉඩ සලස්වමින් විශ්‍රාම යාමට සැලැස්වූ ඩබ්ලිව්.ඩී.ලක්ෂ්මන් මහතා මහ බැංකුවේ වසර දෙකක් පමණක් සේවය කර ජීවිතාන්තය දක්වා විශ්‍රාම වැටුපක් ද ලබයි.
