කැරොලයින් ජූරි සහ චුල් පත්මේන්ද්‍රා යන අයට එරෙහිව කුරුදුවත්ත පොලීසිය විසින් ඉදිරිපත් කර තිබෙන පැමිණිල්ල අප්‍රේල් මස 04 වනදා කැඳවන ලෙස කොළඹ මහෙස්ත්‍රාත් අධිකරණය අද (14) නියම කළා.
ඒ එම පැමිණිල්ල කොළඹ අතිරේක මහෙස්ත්‍රාත් චන්දිම ලියනගේ මහතා ඉදිරියේ කැඳවනු ලැබූ අවස්ථාවේදීයි.
පසුගිය වසරේ කොළඹ නෙළුම් පොකුණ රඟහලේ දී පැවති විවාහක රූ රැජින තරඟයේදී කිරුළ දිනාගත් පුෂ්පිකා ද සිල්වා මහත්මියගේ කිරුළ කලහකාරී ලෙස ගලවා ඇයට තුවාල සිදුකළ බවට කැරොලයින් ජූරි සහ චුල් පත්මේන්ද්‍රා යන අයට චෝදනා එල්ල වුණා.
කුරුඳුවත්ත පොලීසිය අද අධිකරණයට දන්වා සිටියේ එම පැමිණිල්ල සමථ මණ්ඩලය වෙත යොමු කර ඇති බවයි.
ඒ අනුව පාර්ශ්වකරුවන්ට සමථ මණ්ඩලය හමුවේ පෙනී සිටින ලෙස නියෝග කළ මහෙස්ත්‍රාත්වරයා අනතුරුව පැමිණිල්ල අප්‍රේල් මස 04 වනදා කැඳවන ලෙස නියෝග කළා.
