ලංකා විදුලිබල මණ්ඩලය විසින් ගෙවිය යුතු ණය සහ ව්‍යාපෘති ණය වශයෙන් මෙම වර්ෂයේ ජූනි මස අවසානය වන විට රුපියල් බිලියන 289.4ක මුදලක් ගෙවීමට තිබූ බව පාර්ලිමේන්තුවට ඉදිරිපත් කර ඇති වසර මැද මූල්‍ය තත්වය පිළිබඳ වාර්තාවෙහි සඳහන් වනවා.
ඉකුත් වර්ෂය අවසානය වන විට රුපියල් බිලියන 263.3 ක මුදලක් ගෙවිය යුතු ණය සහ ව්‍යාපෘති ණය මෙම වර්ෂයේ ජූනි මස අවසානය වන විට 9.8%කින් වැඩි වී තිබෙනවා.
විදුලිබල මණ්ඩලය විසින් ලංකා ඛනිජ තෙල් නීතිගත සංස්ථාවව සහ ස්වාධීන බලශක්ති ගැනුම්කරුවන් සඳහා මෙම වර්ෂයේ ජූනි මස අවසන් වන විට රුපියල් බිලියන 17.4ක මුදලක් ගෙවීමට තිබුණා.
කෙසේවෙතත් ලංකා විදුලිබල මණ්ඩලය මෙම වර්ෂයේ මුල් මාස හයේදී රුපියල් බිලියන 119.2ක ශුද්ධ ලාභයක් වාර්තාකොට තිබුණා.
