පරිසර යුක්ති කේන්ද්‍රය විසින් වන සංරක්ෂණ දෙපාර්තමේන්තුව විසින් පොලිස් දෙපාර්තමේන්තුව හා අපරාධ පරීක්ෂණ දෙපාර්තමේන්තුව ඇතුලු සියලු පිරිසකට එරෙහිව එන්තරවාසියක් යැවීමට කටයුතු කරමින් සිටින බව වාර්තා වනවා.
උඩවලව ඇත් අතුරු සෙවනේ රඳවා සිටින අලි පැටවුන් 14 දෙනා ඔවුන්ගේ පැරණි හිමිකරුවන්ටම ලබා දෙන ලෙස දන්වමින් ලබා දී ඇති නියෝගය බල රහිත කරන ලෙසයි එහිදී එම සංවිධානය දන්වා සිටින්නේ.
ලියාපදිංචි නොකළ අලි පැටවුන් ලඟ තබා ගැනීමට එරෙහිව චෝදනා එල්ල වී තිබියදී නව නීතියක් හරහා එහි පැරණි හිමිකරුවන්ටම ‘නඩු භාණ්ඩවල’ භාරකාරත්වය යළි ලබා දීමට කටයුතු කර ඇති බවයි ඔවුන් පෙන්වා දෙන්නේ.
උඩවලව ඇත් අතුරුසෙවනේ රඳවා සිටි අලි පැටවුන් 14 දෙනෙක් මාස 03 ක් ඇතුලත ලියා පදිංචි කිරීමේ කොන්දේසිය මත මුදාහැරීම පරිසරවේදීන් ඇතුලුව පරිසරය වෙනුවෙන් උනන්දුවක් දක්වන සියලුම දෙනාගේ විමතියට හේතු වී ඇතැයි ඔවුන් පෙන්වා දෙනවා.
