රක්ෂිත බන්ධනාගාර ගතකර සිටින පාර්ලිමේන්තු මන්ත්‍රී චාමර සම්පත් දසනායක පාර්ලිමේන්තුවට රැගෙන විත් තිබෙනවා.
ඒ, මේ වන විට පැවැත්වෙන පාර්ලිමේන්තු සැසිය සඳහායි.
ඌව පළාත් සභාවට අයත් ස්ථාවර තැන්පතු ගිණුම් 06 ක් කල් පිරීමට පෙර ඉවත් කිරීම තුළින් රුපියල් ලක්ෂ 173 කට අධික පාඩුවක් සිදුකිරීම සම්බන්ධයෙන් චෝදනා එල්ලවී සිටින පාර්ලිමේන්තු මන්ත්‍රී චාමර සම්පත් දසනායක ඇප මත මුදාහැරීමට කොළඹ මහේස්ත්‍රාත් අධිකරණය අද (08) නියෝග කළා.
කෙසේවෙතත් ඔහුට තවදුරටත් රක්ෂිත බන්ධනාගාර ගතව සිටීමට සිදුව ඇත්තේ බදුල්ල මහේස්ත්‍රාත් අධිකරණයේ විභාග වන නඩුවකට අදාළවයි.
ඌව පළාත් ප්‍රධාන අමාත්‍යවරයාව සිටියදී 2016 වසරේ පෙර පාසැල් දරුවන්ට බෑග් බෙදා දීමට බව සඳහන් කරමින් රාජ්‍ය බැංකුවකින් රුපියල් ලක්ෂ දහයක අනුග්‍රහයක් ලබා ගැනීමේ සිද්ධිය සම්බන්ධයෙන් අල්ලස් කොමිසම විසින් ඔහුට එම නඩුව පවරා තිබෙනවා.
