චීනය විසින් හදුන්වාදී ඇති නව සාගර නීතියක් හේතුවෙන් දකුණු චීන මුහුද ආශ්‍රිතව පවතින අර්බුදකාරී වාතාවරණය තවදුරටත් ඉහළ යනු ඇති බවට විශේෂඥයෝ අනතුරු අගවති.
සැප්තැම්බර් මස පළමුවනදා සිට ක්‍රියාත්මක වන පරිදි චීන මුහුදු සීමාව හරහා ගමන් ගන්නා කාණ්ඩ පහකට අයත් විදේශ යාත්‍රා පිළිපැදිය යුතු නීති මාලාවක් චීනය විසින් හදුන්වා දී තිබේ.
ඒ අනුව, අන්තරාකාරී ද්‍රව්‍ය රැගෙන යන නැව්, තෙල් නැව්, න්‍යෂ්ටික බලයෙන් ක්‍රියාත්මක යාත්‍රා ආදී කාණ්ඩ පහකට අයත් විදේශ යාත්‍රා ඒ පිළිබද විස්තර සැපයීම, ගමන් මාර්ගය පිළිබද දත්ත හුවමාරු කර ගැනීම ආදී නීති රැසකට අනුගත විය යුතුය.
අන්තර් ජාතික සමුද්‍ර නීතියට අනුව මෙවැනි ක්‍රියාමාර්ග අනුගමනය කිරීමට චීනයට බාධාවක් නොමැත.
එහෙත්, දකුණු චීන මුහුදේ සීමා සම්බන්ධයෙන් පවතින පරස්පරතා සහ ගැටුම් හේතුවෙන් මෙම නව නීතිය අන්තර්ජාතික අර්බුදයක් දක්වා වර්ධනය විය හැකි බව අන්තර් ජාතික විශ්ලේෂකයෝ සදහන් කරති.
