ඇෆ්ගනිස්තානයේ තලේබාන් පාලනය සම්බන්ධයෙන් චීනය දෙගිඩියාවට පත්ව ඇතැයි වාර්තා වේ.
ඊට හේතුවී ඇත්තේ නැගෙනහිර තුර්කිස්තාන් බෙදුම්වාදී ව්‍යාපාරය සම්බන්ධයෙන් තලේබාන් සංවිධානය බලාපොරොත්තු වූ තරම් ප්‍රතිචාරයක් නොදැක්වීම බව විදෙස් මාධ්‍ය වාර්තාවල දැක්වේ.
චීනයේ ෂින්ජියෑන්ග් ප්‍රාන්තයේ වෙනම පාලනයක් ඉල්ලා සටන්වදින ETIM සංවිධානයේ සන්නද්ධ සාමාජිකයන් 200ත් 300 ත් අතර පිරිසක් ඇෆ්ගනිස්තානයේ රැදී සිටින බව පකිස්තාන සහ චීන ආරක්ෂක අංශවල තක්සේරුවයි.
මෙම පිරිස රටින් බැහැර කරන ලෙස තලේබාන් සංවිධානයට චීනය විසින් දැනුම් දී ඇති අතර තලේබාන්වරු පවසන්නේ තම භූමිය වෙනත් රටකට එරෙහි කටයුතු සදහා භාවිතා කිරීමට ඉඩ ලබා නොදෙන බවයි.
මේ අතර තලේබාන් ප්‍රකාශක සුහායීල් සහීන් තම සංවිධානය රටින් ඉවත්වන ලෙසට ETIM සාමාජිකයන්ට දැනුම් දී ඇති බව චීනයේ ග්ලෝබල් ටයිම්ස් පුවත්පතට පවසා ඇත.
කෙසේවෙතත් විදෙස් මාධ්‍ය වාර්තා කළේ චීනය තලේබාන් සංවිධානයේ මෙම පොරොන්දු ඉටුවීම සම්බන්ධයෙන් සෑහීමකට පත්ව නැති බවයි.
