මාස හයකට පෙර දැඩි කොවිඩ් සීමාවන් ලිහිල් කර දේශසීමා නැවත විවෘත කිරීමෙන් පසු චීනය ඉක්මන් ආර්ථික ප්‍රකෘතියක් අපේක්ෂා කළේය.
කෙසේ වෙතත්, දුර්වල බාහිර ඉල්ලුම හේතුවෙන් චීනයේ බලාපොරොත්තු සුන් වී ඇති බව චැනල් නිව්ස් ඒෂියා වාර්තා කළේය.
මාර්තු සහ අප්‍රේල් මාසවල චීනය ධනාත්මක වාර්ෂික වර්ධනයක් පෙන්නුම් කළද, මෙය සම්පූර්ණ පින්තූරය නොවන බව ආර්ථික විද්‍යාඥයින් අනතුරු ඇඟවීය.
චැනල් නිවුස් ඒෂියා වාර්තාවට අනුව, එක්සත් ජනපදය සහ චීනය අතර වෙළඳ ආතතීන් ද ව්‍යාපාර අතර කනස්සල්ලට හේතු වී තිබේ.
ඔන්ලයින් ලොජිස්ටික් වේදිකාවේ Container xChange නිර්මාතෘ Christian Roeloffs පවසා ඇත්තේ චීනයේ වරායන්හි අතිරික්ත බහාලුම් සැලකිය යුතු ප්‍රමාණයක් නිරීක්ෂණය කර ඇති බවයි.
ව්‍යාපාර සම්බන්ධයෙන් තමන් ගන්නා තීරණවල එකම සාධකය මිල නොවන බව ඔහු සඳහන් කළේය.
චීනයේ මාසික අපනයන වර්ධන සංඛ්‍යා මන්දගාමී වීමක් දක්නට ලැබෙන බව වාර්තාව පවසයි.
ING බැංකු අනාවැකියට අනුව, 2023 දී චීනයේ අපනයනවල වර්ධනයක් අපේක්ෂා නොකෙරේ.
“මෙය චීන දේශීය ආර්ථිකය ඉහළ නොගිය නිසා නොවේ, එයට හේතුව මන්දගාමී වන බාහිර වෙළඳපලයි.” ආර්ථික විද්‍යාඥ Iris Pang පැවසුවාය
