චීනයේ මුදල් ඒකකය අඛණ්ඩව දුර්වල වෙමින් පවතින හෙයින්, ඉල්ලුම පුනර්ජීවනය කිරීමට බලධාරීන් ගත් උත්සාහයන් ආයෝජකයින් දිරිගැන්වීමට අසමත් වීම නිසා, චීන කොටස් වෙළෙඳපොළ මාස නවයකට පසු අවම කාර්ය සාධනයක් පෙන්නුම් කරමින් සිටින අතර යුවාන් ද තවදුරටත් අවප්‍රමාණය විය.
මෙම තත්ත්වය තුළ ආයෝජකයින් දැන් ආර්ථිකයේ ගම්‍යතාව යථා තත්ත්වයට පත් කිරීමට බීජිනයට ඇති හැකියාව කෙරෙහි අඩු විශ්වාසයක් පෙන්නුම් කරන බව චැනල් නිවුස් ඒෂියා වාර්තා කරයි.
ලෝකයේ දෙවන විශාලතම ආර්ථිකය වන චීනය මේ වන විට එහි දැවැන්ත දේපල අංශයේ පෙර නොවූ විරූ ණය අර්බුදයකට මුහුණ දී සිටී.
පසුගිය වසරේ නොවැම්බර් අග සිට, ආයෝජක විශ්වාසය ශක්තිමත් කිරීම අරමුණු කරගත් චීනයේ සුරැකුම්පත් නියාමකයින් විසින් සිකුරාදා ප්‍රකාශයට පත් කරන ලද පියවරයන්ගෙන් බලාපොරොත්තු සුන් වූ චීනයේ බ්ලූ චිප් දර්ශකය සහ හොංකොං හි Hang Seng දර්ශකය යන දෙකම අවම මට්ටමට වැටුණි.
යුවාන් දළ වශයෙන් සියයට 0.3 කින්, ඩොලරයකට 7.30 ක් දක්වා අඩු වී ඇති බව චැනල් නිව්ස් ඒෂියා වාර්තා කළේය.
