මෙවර මහ කන්නය සඳහා චීනයේ ක්විංඩාඕ සීවින් බයෝටෙක් ගෘප් ලිමිටඩ් සමාගමෙන් ආනයනය කිරීමට නියමිත නයිට්‍රජන් කාබනික පොහොර සම්බන්ධයෙන් සිදුකළ සිව්වන පරීක්ෂණයෙන්ද ඒවා ප්‍රමිතියෙන් තොර බව තහවුරු වී තිබෙනවා.
එම පොහොර ජීවානුහරණය කර නොමැති බවත්, ශාඛවලට හානිකර ක්ෂුද්‍ර ජීවීන් එහි සිටින බවත් පරීක්ෂණයේදී තහවුරු වී තිබෙනවා.
ශ්‍රී ලංකා ජාතික ශාක නිරෝධායන සේවාව විසින් නිකුත් කළ අවසන් වාර්තාවට අනුව මෙම කාබනික පොහොර සාම්පලයත් ඉතා දූෂිත බව තහවුරු වී ඇති අතර එහි අර්වීනියා ඇතුළු හානිකර බැක්ටීරියා අඩංගු බව හෙළි විය.
එබැවින් ‘හිපෝ ස්පිරිට්’ නෞකාවේ අඩංගු චීන කාබනික පොහොර මෙරට ප්‍රමිතීන්ට නොගැලපෙන බව ඔවුන්ගේ නිර්දේශය වී ඇත.
