කිතු උපතේ යථාර්තය සමීප වෙමින් එකිනෙකා කෙරෙහි දයානු කම්පිතව ප්‍රේමයෙන් ජීවත්වීම මෙන්ම පිඩිත දිවි ගෙවන සහෝදර ජනතාවට පිහිටිවිම ක්‍රිස්තුන් වහන්සේට දැක්විය හැකි උපහාරය බව ජනාධිපති රනිල් වික්‍රමසිංහ මහතා ප්‍රකාශ කරනවා.
නත්තල වෙනුවෙන් පණිවිඩයක් නිකුත් කරමින් ජනාධිපතිවරයා කියා සිටින්නේ මහ මැදුරට මෙන්ම දුගී පැල්පතට ද සතුට එක ලෙස ලබාදීම රජයේ ඉල්ලකය වී ඇති බවයි.
මේ අතර නත්තල වෙනුවෙන් පණිවිඩයක් නිකුත් කරන අග්‍රාමාත්‍ය දිනේෂ් ගුණවර්ධන මහතා සඳහන් කරන්නේ පිඩාවට පත් වූ ජනතාව මුදාගෙන යහපත් සමාජයක් නිර්මාණය කිරීම උදෙසා කැපවූ ක්‍රිස්තුස් වහන්සේගේ දර්ශනය සැබෑ කාලීන අවශ්‍යතාවක් බවයි.
විපක්ෂ නායක සජිත් ප්‍රේමදාස මහතා නත්තල වෙනුවෙන් සිය ෆේස්බුක් ගිණුමේ සටහනක් තබමින් කියා සිටියේ දෙවියන් වහන්සේ මනුෂ්‍යත්වය ගෙන මෙලොවට බිහිවීමෙන් සුභාරංචිය සමරණ සකළ කිතුනු බැතිමතුන් අන්ධකාරය නිමාවූ දැයක් සහ ලොවක් වෙනුවෙන් ප්‍රර්ථනා කරන අසිරිමත් නත්තලක් වේවා යනුවෙනි.
