මාධ්‍යවේදී චමුදිත සමරවික්‍රම මහතා ඊයේ (09) කොළඹ අපරාධ කොට්ඨාශය හමුවේ පෙනී සිටිමින් දීර්ඝ ප්‍රකාශයක් ලබා දී තිබෙනවා.
කොළඹ අපරාධ පරීක්ෂණ කොට්ඨාශය පැය පහක පමණ කාලයක් ඔහුගේ ප්‍රකාශය සටහන් කර ගෙන ඇති බවයි වාර්තා වෙන්නේ.
ඔහු විසින් පසු ගිය දා පොලිස්පතිවරයා වෙත යොමු කළ ලිපිය ඔස්සේ විමර්ශන කටයුතු ආරම්භ කිරීමෙන් අනතුරුව මෙසේ කොළඹ අපරාධ පරීක්ෂණ කොට්ඨාශය වෙත කැඳවා තිබුණා.
මෙහිදී දුරකථන මාර්ගයෙන් එල්ල කරනු ලැබූ ජීවිත තර්ජනය පිළිබඳ ඔහු විසින් දීර්ඝ පැහැදිලි කිරීමක් සිදු කර තිබෙනවා.
මෙම තර්ජන එල්ල වූයේ ෂැංග්‍රිලා හෝටලයේ පැවති සාදයක් පිළිබඳ නීතිය ක්‍රියාත්මක නොවීම පිළිබඳ තමා විසින් ප්‍රසිද්ධ මාධ්‍යයේ ප්‍රශ්ණ කිරීමෙන් අනතුරුව රූපලාවන්‍ය ශිල්පී චන්දිමාල් ජයසිංහ සහ නිරූපිකා පියුමි හංසමාලි අත්අඩංගුවට පත් වීමෙන් අනතුරුව බවයි ඔහු සඳහන් කර ඇත්තේ.
