කොළඹ ඉහළ පන්තියේ කාන්තාවන්ගෙන් පමණක් සැදුම්ලත් රාත්‍රී සාදයක් පසුගියදා කොළඹ හිල්ටන් හෝටලයේදී පවත්වා තිබෙනවා.
මෙම සාදය සඳහා කොළඹ ධනවත් කාන්තාවන් පමණක් එක්ව සිටි අතර ඊට ප්‍රභූ කාන්තාවන් කිහිප දෙනෙකුද එක්ව සිටියා.
ඒ අනුව විපක්ෂ නායක සජිත් ප්‍රේමදාස මහතාගේ බිරිද වන ජලනි ප්‍රේමදාස මහත්මිය, සජිත් ප්‍රේමදාස මහතාගේ සහෝදරිය වන දුලාංජලී ප්‍රේමදාස මහත්මිය, කොළඹ නගරාධිපතිනි රෝසි සේනානායක මහත්මිය, මේ වන විට දැඩි ආන්දෝලනයට පත්ව සිටින චරිතයක් වන නිරූපමා රාජපක්ෂ වැනි ප්‍රභූ කාන්තාවන්ද එම රාත්‍රී සාදයේ දක්නට ලැබුණා.
ඔවුගේ විනෝදාස්වාදය සඳහා සංගීත කණ්ඩායමක්ද යොදවා තිබූ අතර විවිධ ආහාර පානවලින් සාදය රසවත් කර තිබුණා.
නිරූපමා රාජපක්ෂ යනු ජනාධිපති ගෝඨාභය රාජපක්ෂගේත්, අගමැති මහින්ද රාජපක්ෂගේත් ඥාති සොහොයුරියයි.
පැන්ඩෝරා පත්‍රිකාවල නම සදහන්වීම හේතුවෙන් ඇයට හා ඇයගේ සැමියා වන තිරු නඩේසන් වෙත මේ වන විට දැඩි මූල්‍ය අක්‍රමිකතා සම්බන්ධයෙන් චෝදනා එල්ලවී ඇතත් මේ වන තෙක් ඒ සම්බන්ධයෙන් කිසිදු ක්‍රියාමාර්ගයක් ගෙන නොමැතිවීමද විශේෂත්වයක්.
