කෑගල්ල ප්‍රදේශයේ පදිංචි ධම්මික බණ්ඩාර ලෙස පෙනී සිටින ධනපාල නම් පුද්ගලයෙකු තමන් දේශීය වෛද්‍යවරයෙකු යැයි පෙනී සිටිමින් දැනට ලෝකයට මහත් ගැටලුවක්ව පවතින කොවිඩ් 19 රෝගයට ප්‍රත්‍යක්ෂ ඖෂධයක් සොයාගත් බවට බොහෝ ජනමාධ්‍ය හරහා ප්‍රචාරණය කරමින් සිටින බවත් අදාල පුද්ගලයා පිළිබඳව විමර්ශනයක් සිදු කරන ලෙසත් ඉල්ලමින් ආයුර්වේද සභාවට පැමිණිල්ලක් ලැබී ඇත.
දෙසැම්බර් 03 වන දින ආයුර්වේද වෛද්‍ය සභාවට මෙම පැමිණිල්ල ලැබී ඇත.
අදාල පුද්ගලයා මෙරට බටහිර හෝ ආයුර්වේද වෛද්‍ය සභාවක ලියාපදිංචි වී ඇත්ද යන්නත්, එසේ ලියාපදිංචි වී ඇත්නම් ඔහුගේ ප්‍රථමික සුදුසු කම්, ඒ කවර කාණ්ඩයක් යටතේද , එම වසර සහ ඔහුගේ ලියාපදිංචි අංකය කුමක් යන්නත් සොයා බලන ලෙසත් එම පැමිණිල්ලේ සදහන් කර ඇත.
මෙම පැමිණිල්ල පිලිබදව ඉක්මන් අවධානය යොමු කරන ලෙසත් කිසිදු සුදුසුකම් නොමැති අයෙකු රෝගීන්ට ප්‍රතිකාර කිරීම මගින් රෝගීන්ගේ ජිවිත දැඩි අවදානමකට ලක්වන බැවින් හදිසි කටයුත්තක් සේ සලකා ක්‍රියාත්මක වනලෙස පැමිණිල්ලේ වැඩිදුුරටත් සඳහන් කර ඇත.
