මෙරට ක්‍රීඩා ඉතිහාසයේ පළමු වරට පැරාලිම්පික් රන් පදක්කමක් දිනාගත් දිනේෂ් ප්‍රියන්ත හේරත් හට නන්දෙසින් සුභපැතුම් ගලා එනවා.
මේ අතර ජනාධිපති ගෝඨාභය රාජපක්ෂ මහතා, ක්‍රීඩා අමාත්‍ය නාමල් රාජපක්ෂ මහතා, විපක්ෂනායක සජිත් ප්‍රේමදාස මහතා සහ යුදහමුදාපති ශවේන්ද්‍ර සිල්වා මහතාද ඔහුට සුභ පැතුම් එක් කර තිබෙනවා.
ජාත්‍යන්තර ක්‍රීඩා සිතියමේ ශ්‍රී ලංකාව ඉහළින් තැබීමට දිනේෂ් ගත් ප්‍රයත්නය අගයකරන බවයි ජනාධිපතිවරයා පවසන්නේ.
එමෙන්ම, ඉතිහාසයේ පළමු පැරාලිම්පික් රන් පදක්කම දිනාගත් දිනේෂ් ප්‍රියන්තට සමස්ත යුද හමුදාව මෙන්ම ත්‍රිවිධ හමුදාවේද සුභාශිංසන එක්කර සිටින බව යුද හමුදාපති ජෙනරල්, ශවේන්ද්‍ර සිල්වා මහතා සඳහන් කරනවා.
මෙය මෑත ඉතිහාසයේ ක්‍රීඩාවෙන් ලැබු සුවිශේෂීම ජයග්‍රහණය ලෙස හැඳින්විය හැකි බව නාමල් රාජපක්ෂ මහතා පවසනවා.
සජිත් ප්‍රේමදාස මහතා පවසන්නේ මව්බිමටට කීර්තියක් අත්කර දීම වෙනුවෙන් ඔහුට සුබපැතුම් සමග උත්තමාචාරය පුද කරන බවයි.
