රටේ තත්වය ඉදිරි මාස කිහිපයේදී තවත් දරුණු
වියහැකි බව අග්‍රාමාත්‍ය රනිල් වික්‍රමසිංහ මහතා පවසනවා.
එමෙන්ම ගාලු මුවදොර සිටින අරගලකරුවන්
සම්බන්ධයෙන්ද නව අග්‍රාමාත්‍යවරයා සිය අදහස් දක්වා තිබුණා.
ඒ, අද අග්‍රාමාත්‍යධුරයේ දිවුරුම්දීමෙන් අනතුරුව ආගමික වතාවත් සඳහා කොල්ලුපිටිය වාලුකාරාම විහාරස්ථානය වෙත පැමිණ සිටි අවස්ථාවේදීයි.
“මිනිස්සු අමාරුවෙන් ජීවත් වෙන්නේ. මේ රටේ
ආර්ථිකය ගොඩගන්න ඕන්නේ. ඉදිරි මාස කිහිපය මීටත් වඩා අමාරු වෙනවා. ඒත් අපි මේකෙන් ගොඩ එන්න ඕනේ. ඒ වැඩකටයුතු කරන්න තමයි මම භාරගත්තේ. රුපියලට වටිනාකමක් සහ තරුණයන්ට අනාගතයක්
තියෙන්න ඕනේ. කැබිනට් මණ්ඩලය හෙට පත්කරන්න බලාපොරොත්තුවක් නැහැ. අරගලය ගෙනියනවා. අපි ගෝඨාගෝගමට අතගහන්නේ නැහැ. ඒක ගෙනියන්න ඕනනේ. පොලීසියත් මුකුත් කරන්නේ නැහැ. පාර්ලිමේන්තුවේ බහුතරය ගැන ප්‍රශ්න කරනකොට අපි බහුතරය පෙන්වන්නම්. මට දෙපැත්තෙන්ම බහුතරය තියෙනවා.”
