ජලනල උපාංග, හොංකොං දේශයට යවන බව බව පවසමින් රුපියල් කෝටි පහකට ආසන්න තඹ කිලෝ 23,000 ක් නැව්ගත කිරීමට සූදානම් කර තිබියදී රේගු නිලධාරීන් විසින් ඊයේ (23) අත්අඩංගුවට ගෙන තිබෙනවා.
අපනයන පහසුකම් පර්යන්තයේ දී මෙම තඹ තොගය සහිත කන්ටේනරය රේගු නිලධාරීන් විසින් අත්අඩංගුවට ගෙන තිබුණා.
පෑලියගොඩ නව නුගේ පාර ප්‍රදේශයේ කර්මාන්ත ශාලාවකින් තඹ තොග උණුකර කුට්ටි බවට සකසා කන්ටේනර් පිටින් කලක පටන් අපනයනය කර ඇති බව රේගු නිලධාරීන් කළ විමර්ශනවලදී තොරතුරු අනාවරණය වී තිබෙනවා.
අත්අඩංගුවට ගත් තඹ තොගය සම්බන්ධයෙන් රේගු නිලධාරීන් වැඩිදුර විමර්ශන සිදුකරන බව සඳහන්.
