වත්කම් බැරකම් ප්‍රකාශ ප්‍රසිද්ධ කර රටට ආදර්ශයක් ලබාදෙන මෙන් වත්මන් සහ හිටපු ජනාධිපතිවරුන්ගෙන් සමඟි ජන බලවේගයේ මන්ත්‍රී එරාන් වික්‍රමරත්න මහතා විශේෂ ඉල්ලීමක් කර තිබෙනවා.
මන්ත්‍රීවරයා මෙම ඉල්ලීම සිදුකළේ අද (26) පාර්ලිමේන්තුවේදි වත්කම් හා බැරකම් ප්‍රකාශ කිරීමේ සංශෝධන පනත් කෙටුම්පත ඉදිරිපත් කරමින්.
ජනාධිපතිවරුන් එලෙස ක්‍රියා කිරීමේදී ඇමතිවරුන්ට, මන්ත්‍රීවරුන්ට සහ නිලධාරීන්ට එලෙස සිදු කිරීමට වන බවයි ඔහු කියා සිටින්නේ.
“වත්කම් හා බැරකම් ප්‍රකාශ කිරීමේ සංශෝධන පනත් කෙටුම්පත ඉදිරිපත් කරනවා. රටක් වෙනස් වන්නේ නීති සම්පාදනයෙන් පමණක් නොවෙයි. ආදර්ශයත් වැදගත්. වත්කම් බැරකම් ප්‍රකාශ ප්‍රසිද්ධ කරන්න කියලා වත්මන් ජනාධිපතිතුමා ගෙන් හිටපු ජනාධිපතිවරුන්ගෙන් ඉල්ලා සිටිනවා. හිටපු ජනාධිපතිවරුන් දෙන්නකු මේ සභාවේ ඉන්නවා. එතකොට ඇමතිවරුන්ට නිලධාරීන්ට මන්ත්‍රීවරුන්ටආදර්ශයෙන් ම ඒක කරන්න වේවි. රටක් වෙනස් වන්නේ එහෙමයි. දූෂණය නැති කරන්න බෑ. අවම කරන්න පුළුවන්. රට ඉල්ලුවේ සිස්ටම් චේන්ජ් එකක්.”
