රජයේ වෛද්‍ය නිලධාරීන්ගේ සංගමයට තීරණාත්මක නිලධරයන් සිව් දෙනෙකු පත් කිරීම සඳහා ජුනි 26 වන සෙනසුරාදා දිනයේ පැවැත්වීමට නියමිතව තිබූ මැතිවරණය වළක්වාලමින් කොළඹ දිසා අධිකරණය නියෝගයක් නිකුත් කර තිබේ.
වෛද්‍යවරුන් පස් දෙනෙකු විසින් ගොනු කරන ලද පෙත්සමක් සලකා බැලීමට කටයුතු කිරීමෙන් අනතුරුව අධිකරණය මෙම නියෝග නිකුත් කිරීමට කටයුතු කරන ලදී.
පෙත්සම්කරුවන් විසින් රජයේ වෛද්‍ය නිලධාරින්ගේ සංගමයේ වාර්ෂික මහා සභා රැස්වීම සහ 2021/2022 සඳහා නිලධරයන් තෝරා පත් කර ගැනීම වළක්වාලමින් අතුරු තහනම් නියෝගයක් ඉල්ලා තිබුණි.
වත්මන් සභාපති අනුරුද්ධ පාදෙණිය සහ වෛද්‍ය ජයරුවන් බණ්ඩාර මෙවර නිලවරණයේ සභාපතිධූරය සඳහා ඉදිරිපත් වූ නමුත් වෛද්‍ය ජයරුවන්ගේ නාම යෝජනා සංගමය මඟින් ප්‍රතික්ෂේප කරනු ලැබීය.
ව්‍යාජ චෝදනාවන් යටතේ මැතිවරණයට ඉදිරිපත් වීම සඳහා වූ තමාගේ නාමයෝජනා සංගමය විසින් හිතාමතාම ප්‍රතික්ෂේප කර ඇති බව පවසමින් වෛද්‍ය බණ්ඩාර කොළඹ දිස්ත්‍රික් උසාවියේ නඩුවක් ගොනු කිරීමෙන් පසුව නිලවරණය නීතිමය සටනක් දක්වා වර්ධනය විය.
