කතරගම පොලීසියේ රථවාහන අංශයේ ස්ථානාධිපතිවරයාට කොවිඩ් -19 වෛරසය ආසාදනය වී තිබෙනවා.
කතරගම මහජන සෞඛ්‍ය වෛද්‍ය නිලධාරිනි දේව නාරායන මහත්මිය සඳහන් කරන්නේ නිදහස් උත්සවයට සහභාගිවීමෙන් අනතුරුව සිදුකළ PCR පරීක්ෂාවක දී ස්ථානාධිපතිවරයා හට කොවිඩ් ආසාදිත බවට තහවුරු වූ බවයි.
ඒ අනුව ස්ථානාධිපතිවරයා ඇසුරු කළ ආශ්‍රිතයින් මේ වන විට නිරෝධායනයට යොමුකර තිබෙනවා.
මීට අමතරව කතරගම නව නගරයේ අඹුසැමි යුවළකට ද කොවිඩ් 19 ආසාදනය වී ඇති බවට තහවුරු වුණා.
ඒ අනුව කතරගම නගරයේ සති 3ක කාලසීමාව තුළ හදුනාගත් කොවිඩ් ආසාදිතයින් සංඛ්‍යාව 30ක් දක්වා ඉහළ ගොස් ගොස් තිබෙනවා.
