ජනප්‍රිය බොලිවුඩ් නිළියක්වන පූජා හේඩේ හට කොවිඩ් 19 ආසාදනය වී ඇති බවට ඇය විසින්ම සමාජ මාධ්‍යවෙත දැනුම්දී තිබෙනවා.
ඒ අනුව ඇය මේ වන විට සියලු සෞඛ්‍ය උපදෙස් අනුගමනය කරමින් නිවසේ සිටම නිරෝධායනය වෙමින් ප්‍රතිකාර ලබමින් සිටින බවයි වාර්තා වන්නේ.
මේ හේතුවෙන් පූජා රංගනයෙන් දායකවන, මේ වන විටත් රූගතකිරීම් සිදුකෙරෙමින් පවතින රාධේ ශාම්, ආචාර්යා, සර්කුස් යන චිත්‍රපට තුනම ගැටළු සහගත තත්ත්වයට පත්ව තිබෙනවා.
මේ වන විට ඉන්දියාව තුළ ඉතාමත් වේගයෙන් කොවිඩ් 19 ව්‍යාප්ත වෙමින් පවතින අතර බොලිවුඩ් තාරකාවන් රැසක්ද එහි ගොදුරු බවට පත්ව තිබෙනවා.
පූජා හේඩේ වඩාත්ම ජනප්‍රියත්වයට පත්වූයේ රිතික් රෝෂන් සමඟ රගපෑ මොහෙන්ජො දාරෝ චිත්‍රපටයෙන්.
කෙසේ වෙතත් මෑත කාලයේ පූජා අතිශයින්ම ජනප්‍රියත්වයට පත්වූයේ අල්ලු අර්ජුන් සමඟින් රංගනයෙන් දායකවූ ‘අලා වයිකුන්තපුරමුලෝ’ චිත්‍රපටයේ ‘බුට්ටබොම්මා’ ගිතය හේතුවෙන්.
මෙම ගීතය Youtube නැරඹුම් වාර මිලියන 594 පසුකර තිබෙනවා.
එම ගීතය පහතින්,
