ක්‍රීඩාව තුළ හෝ තරග පැරදීම තුළ හෝ වරදක් සිදු වූ විට එය භාර ගැනීමට කිසිදු අයෙකු නොමැති බව ජාතික ක්‍රීඩා සභාවේ සභාපති අර්ජුන රණතුංග මහතා පවසනවා.
රූපවාහිනී වැඩසටහනකට එක්වෙමින් සභාපතිවරයා සඳහන් කළේ ශ්‍රී ලංකා ක්‍රිකට් කණ්ඩායමේ පසුගිය කාලයේ දී වාර්තා වූ ඇතැම් හැසිරීම් හි ඇති දුර්වලතාවලට ක්‍රිකට් පරිපාලනය පවා වගකිව යුතු බවයි.
ක්‍රිකට් පරිපාලනයේ ඉහළ කළමනාකාරීත්වය යම් දුර්වල පරිසාධනීය මට්ටමක සිටින අතර, එක්දින තරග, ටෙස්ට් තරග සහ පන්දුවාර 20 තරගවලට ක්‍රීඩා කළ යුතු ක්‍රීඩකයින් කවුරුන් ද යන කාරණය පවා නිසි පරිදි ගලපා ගැනීමට අසීරු අඩියක ශ්‍රී ලංකා ක්‍රිකට් පරිපාලනය ඇති බවයි ජාතික ක්‍රීඩා සභාවේ සභාපතිවරයා සඳහන් කළා.
මෙවැනි වැරදි තීරණ හේතුවෙන් විනාශ වන්නේ ශ්‍රී ලංකාවේ ක්‍රිකට් ක්‍රීඩාව බවත්, ක්‍රිකට් යනු මහේල ජයවර්ධනගේ හෝ ප්‍රමෝදය වික්‍රමසිංහ ඇතුළු තේරීම් කමිටුවේ හෝ ශම්මි සිල්වා ඇතුළු පිරිසගේ බූදලයක්වත් නොවන බව ද සභාපති අර්ජුන රණතුංග වැඩිදුරටත් කියා සිටියා.
හුදෙක් ම ක්‍රිකට් යනු මේ රටේ මිලියන 22ක මිනිසුන්ට අයත් දෙයක් බවයි හෙතෙම අවධාරණය කළේ.
