දැනට ක්‍රියාත්මක නිරෝධායන ඇඳිරිනීතිය සැප්තැම්බර් 6 වනදා අළුයම 4 දක්වා දීර්ඝ කිරීමට අද (27) උදෑසන ජනාධිපති ගෝඨාභය රාජපක්ෂ මහතාගේ ප්‍රධානත්වෙන් රැස්වූ කොවිඩ් මර්දන විශේෂ කමිටුව තීරණය කරනු ලැබුවා..
මෙම කාලය තුල අත්‍යාවශ්‍ය සේවා පවත්වාගෙන යෑම සඳහා ඇඳිරි නීති බලපත්‍රයක් අවශ්‍ය නොවන බව කොවිඩ් – 19 පැතිරීම වැළැක්වීමේ ජාතික ක්‍රියාන්විත මධ්‍යස්ථාන ප්‍රධානි, ආරක්ෂක මාණ්ඩලික ප්‍රධානි සහ යුද හමුදාපති ජනරාල් ශවේන්ද්‍ර සිල්වා මහතා පවසනවා.
දැනට පවත්වාගෙන යන ක්‍රමයට ම පොලීසිය ඇතුළු ත්‍රිවිධ හමුදා මාර්ග බාධකවලදී අනන්‍යතාව තහවුරු කිරීමෙන් අත්‍යාවශ්‍ය සේවා රැකියා සඳහා පිටත්ව යා හැකි බවයි ඔහු පවසන්නේ.
කෙසේ වෙතත්, ත්‍යවශ්‍ය සේවා සඳහා හැරුණු කොට අනෙකුත් කිසිදු පුද්ගලයෙකු නිවෙස්වලින් බැහැරව නොයන ලෙස හමුදාපතිවරයා ඉල්ලා සිටිනවා. එමෙන්ම, අවම සේවක සංඛ්‍යාවක් යොදවා ගනිමින් සිය සේවා පවත්වාගෙන යන ලෙසයි යුද හමුදාපතිවරයා රාජ්‍ය හා පෞද්ගලික ආයතන ප්‍රධානීන්ගෙන් ඉල්ලා සිටින්නේ.
