අග්‍රාමාත්‍ය මහින්ද රාජපක්ෂ මහතා රෝහල්ගත කෙරුණු බවට පළවූ පුවත් අසත්‍ය වන බවට අමාත්‍ය නාමල් රාජපක්ෂ මාහතා පවසනවා.
ඒ, අද දින මාධ්‍ය හමුවේ අදහස් දක්වමින්.
තමන් සහ පියා ලෙඩෙකු බැලීමට ගිය නමුත් ලෙඩෙකු වශයෙන් රොහලට නොගිය බවත් බැලීමට ගිය රෝගියා හට සැත්කමක් සිදුකළේද යන්න සම්බන්ධව තමන් නොදන්නා බවත් අමාත්‍යවරයා පවසනවා.
අදාල දිනයේ තමන්ගේ මවගේ උපන්දිනය යෙදී තිබුණු බැවින් සියළු දෙනාම නිවසේ රැඳී සිටිය බවයි ඔහු වැඩිදුරටත් පවසන්නේ.
පෙර සැලසුම් කළ සැත්කමක් වෙනුවෙන් අග්‍රාමාත්‍ය මහින්ද රාජපක්ෂ මහතා පෙරේදා (24) දින කොළඹ ප්‍රධාන පෙළේ පෞද්ගලික රෝහලකට ඇතුළත් කරනු ලැබූ බවට පුවත්පත් වාර්තා කර සිටියා.
මෙහිදී මහින්ද රාජපක්ෂ අග්‍රාමාත්‍යවරයාගේ මුඛයේ සුළු සැත්කමක් සිදුකළ බවත් එම සැත්කම සඳහා අගමැතිවරයාගේ පෞද්ගලික වෛද්‍යවරයෙකු ලෙස දීර්ඝ කලක් කටයුතු කරන වෛද්‍ය නරේන්ද්‍ර පින්තූ ද එක්වී සිටි බවත් පුවත්පත් එහිදී වාර්තා කර සිටියා.
