ආසියානු ශූරයින් ලෙස ශ්‍රී ලංකාව අද තරගයට පිවිසෙන්නේ හොඳම කණ්ඩායම ලෙස නොවේ. ඇත්ත වශයෙන්ම, ඔවුන් බොහෝ කලක සිට අඛණ්ඩව විශිෂ්ටයන් වී නැහැ. නමුත් මාස කිහිපයකට පෙර ලෝක කුසලාන සුදුසුකම් ලැබීමේ තරගාවලිය අපරාජිතව නිමා කළ කණ්ඩායම බව අමතක නොකළ යුතුයි.
එහෙත් ආබාධ හේතුවෙන් ශ්‍රී ලංකාවේ පන්දු යැවීමේ බලඇණිය විනාශ වී ගොස්ය. දුෂ්මන්ත චමීර, ලහිරු කුමාර, ඩිල්ෂාන් මධුශංක සහ වනිඳු හසරංග ආබාධිත ලැයිස්තුවේයි. පැයට කිලෝ මීටර් 145ක් ඉක්මවිය හැකි පළමු තිදෙනා ආසියානු කුසලානය සඳහා පළමු තේරීම බව සැක නැහ. ප්‍රීමියර් ලීග් තරගාවලියේ තුන් ඉරියව්වෙන්ම දක්ෂතා දැක්වූ සුපිරි පා දඟ පන්දු යවන්නා සිව්වැන්නායි.
මහේෂ් තීක්ෂණ මේ මොහොතේ වඩාත් විශ්වාසදායක ඇමතුමයි. දෙවන පෙල වේග පන්දු බල ඇණියද පෙර සඳහන් කළ ආබාධිත ලැයිස්තුව තරම් ඉලක්කම් අතර නොසිටියද වගකීම ඉටු කිරීම සම්බන්ධයෙන් විශ්වාසය තැබිය හැකියි. කෙසේ වෙතත් ශ්‍රී ලංකා පිලට දැන් තරග ජයග්‍රහණය කිරීම සඳහා මූලික වශයෙන් පිතිකරුවන් මත යැපීමට සිදු වනු ඇති. නමුත් ප්‍රශ්නය වන්නේ මෑතක හොඳම කාලයේදී, ලෝක කුසලාන සුදුසුකම් ලැබීමේ තරගවලිය පුරා ඒ සම්බන්ධයෙන් ඇත්තේ වඩා සිත්ගන්නා සුලු මතකයක් නම් නොවේ.
බංග්ලාදේශය සම්බන්ධයෙන් ගත් කල, තරඟාවලිය අත්‍යාසන්නයේදී ඔවුන්ට ලිටන් දාස් අහිමි විය. තමීම් ඉක්බාල් සම්බන්ධ නාටකය අවසානයේ විසඳුණේ ශකිබ් ගේ හිස මත නායකත්වයේ කටු ඔටුන්න පැළඳවීමෙනි. බංග්ලාදේශය මෙම අද තරගයට පැමිණෙන්නේ ඇෆ්ගනිස්තානයට එරෙහිව මව්බිමේදී ලද තරඟාවලි පරාජයේ නටබුන් මතින්ය. නමුත් ඔවුන් වෙනත් ආකාරයකින් ප්‍රමාද වී ඇති විශාල එක්දින බලවේගයක් වී ඇත.
බංග්ලාදේශ කණ්ඩායම සමස්තයක් ලෙස මෑත කාලයේ තරුණ හා අත්දැකීම්වල පරිපූර්ණ ක්‍රීඩකයින්ගේ සම්මිශ්‍රණයක්. පල්ලෙකැලේ තත්ත්වය ද ඔවුන්ගේ දඟ පන්දු යවන්නන්ට ගැළපෙනවා. එම අර්ථයෙන් ගත් කල, ශ්‍රී ලංකාවට මව්බිමේ වාසිය තිබිය හැකි වුවද, නාගීනාහි නවතම සංස්කරණය ඔබට නැරඹීමට අවශ්‍ය නම් බංග්ලාදේශය පිටියට පිවිසෙන්නේ ඒ වාසිය සාපේක්ෂව වැඩියෙන් ඇති කණ්ඩායම ලෙසයි.
ක්‍රීඩා කළ හැකි කණ්ඩායම්
කුසල් පෙරේරා කොවිඩ් -19 රෝගයෙන් සුවය ලබමින් සිටින බැවින් හෙට තරගයේ 11 දෙනා අතරට පැමිණීම අවිනිශ්චිතයි. කෙසේ වෙතත්, ඔහු අවසන් වරට එක්දින තරගයක් ක්‍රීඩා කර තිබෙන්නේ මීට වසර දෙකකට ඉහතදීයි. හසරංග නොමැති වීම නිසා එකම පා දඟ විකල්පය දුෂාන් හේමන්ත වන නමුත් ඒ වෙනුවට දුනිත් වෙල්ලාලගේට අවස්ථාවක් හිමි විය හැක්කේ පිතිකරණ අංශයද සැලකිල්ලට ගත යුතු බැවිනුයි.
ශ්‍රී ලංකාව: 1 දිමුත් කරුණාරත්න, 2 පැතුම් නිශ්ශංක, 3 කුසල් මෙන්ඩිස් (කඩුලු රැකීම), 4 සධීර සමරවික්‍රම, 5 චරිත් අසලංක 6 ධනංජය ද සිල්වා, 7 දසුන් ශානක (නායක), 8 දුෂාන් හේමන්ත / දුනිත් වෙල්ලාලගේ, 9 මහේෂ් තීක්ෂණ, 10 බිනුර ප්‍රනාන්දු, 11 කසුන් රාජිත
ලිටන් වෙනුවට අනාමුල් හක් සංචිතයට ඇතුළත් කර තිබෙනවා. නමුත් ලිටන් වෙනුවට ටැන්සිඩ් හසන්ට එක්දින වරම් ලැබීමේ අවස්ථාවක්ද අද තරගය තුළ පවතිනවා. දණහිසේ ඇති සුලු ආබාධය හේතුවෙන් මුස්තාෆිසුර් රහ්මාන්ව බොහෝ විට බංකුවේ සිටිනු ඇති.
බංග්ලාදේශය: 1 මොහොමඩ් නයිම්, 2 ටැන්සිඩ් හසන්/අනාමුල් හක්, 3 නජ්මුල් හුසේන් ෂැන්ටෝ, 4 ෂකීබ් අල් හසන් (නායක), 5 ටවුහිද් රිදෝයි, 6 මුෂ්ෆිකර් රහීම් (කඩුුලු රැකීම), 7 අෆිෆ් හුසේන්, 8, මෙහිදි හසන් 9 ටස්කින් අහමඩ්, 10 හසන් මහමුද්, 11 ෂොරීෆුල් ඉස්ලාම්
තණතීරුවේ ස්වභාවය
LPL තරඟාවලිය තුලදී, බොහෝ තණතීරු two-paced බව ඔප්පු වූ අතර, පල්ලෙකැලේ ද ඊට වෙනස් නොවුණා. ඒ අනුව පන්දු යවන්නන්ට ඔවුන්ගේ වේගය වෙනස් කිරීම මත ප්‍රතිලාභ ලබා ගැනීමට හැකි වුණා. කෙසේ වෙතත්, සමහර අවස්ථාවල දී, විදුලි පහන් යටතේ පිතිකරණය පහසු සහ වඩා හොඳ බව දක්නට ලැබුණා. බොහෝ දුරට උණුසුම් හා තෙතමනය සහිත කාලගුණයක් අපේක්ෂා කරන අතර වැසි ඇති වීමට ඉඩ තිබෙනවා.
බංග්ලාදේශය 2013 වසරේදී ශ්‍රී ලංකාවට එරෙහිව පල්ලෙකැලේ හිදී එක්දින තරගයක් පමණක් ක්‍රීඩා කර ඇති අතර එය ඔවුන් ජයග්‍රහණය කළා. එක්දින ක්‍රිකට් තරගවලදී ශ්‍රී ලංකාව බංග්ලාදේශයට එරෙහිව දෙවැනි ඉහළම ජයග්‍රහණ ප්‍රතිශතය – 81.63%ක් සටහන් කර ගෙන තිබෙනවා. කෙසේ වෙතත්, ශ්‍රී ලංකාව බංග්ලාදේශයට එරෙහිව සහභාගී වූ අවසන් තරඟ දහයෙන් හතරක්ම පරාජයට පත් වුණා.
