දුම්රිය ස්ථානාධිපති සංගමය ක්රියාත්මක කර තිබෙන වැඩවර්ජනයට සහයෝගය දක්වමින් උප දුම්රිය ස්ථානාධිපති සංගමයද සහයෝගය දක්වන බව සමස්ත ලංකා උප දුම්රිය ස්ථානාධිපති එකමුතු සංසදයේ සභාපති ඒ. අයි. පී. සඳරුවන් මහතා දුම්රිය දෙපාර්තමේන්තුව දැනුවත් කර තිබෙනවා.
ඒ අනුව උප දුම්රිය ස්ථානාධිපතිවරුද වැඩවර්ජනයට සහභාගි වනු ඇති.
ශ්රී ලංකාව පුරා උප දුම්රිය ස්ථාන 172 ක් ඇති අතර උප දුම්රිය ස්ථානාධිපතිවරු ද වර්ජනයට එකතු වීමත් සමඟ සමස්ත දුම්රිය ධාවනය තව දුරටත් අඩපණ වනවා .
කෙසේවෙතත් මේ වන විට දුම්රිය දෙපාර්තමේන්තුව විසින් නිවේදනයක් නිකුත්කරමින් පවසා සිටියේ අද (10) දහවල් 12ට අදාළ දුම්රිය ස්ථානයට හෝ ආසන්නතම දුම්රිය ස්ථානයට දුම්රිය ස්ථානාධිපතිවරු සහ දුම්රිය පාලකවරුන් සේවයට වාර්තාකළ යුතු බවයි.
එසේ වාර්තා නොකළ හොත් සේවය හැරගියා සේ සළකන බව වැඩබලන දුම්රිය සාමාන්යාධිකාරි එස්. එස්. මුදලිගේ මහතා පවසා තිබුණා.