අපරාධ පරීක්ෂණ කණ්ඩායම් 06 ක් මේ වන විට හිටපු පොලිස්පති දේශබන්දු තෙන්නකෝන් අත්අඩංගුවට ගැනීමට කටයුතු කරමින් සිටින බව සෞඛ්‍ය සහ ජනමාධ්‍ය අමාත්‍ය නලින්ද ජයතිස්ස පවසනවා.
අමාත්‍යවරයා මේ පිළිබඳව සඳහන් කර සිටියේ, කැබිනට් තීරණ දැනුම්දීමේ ප්‍රවෘත්ති සාකච්ඡාව අතරතුරයි.
අමාත්‍යවරයා මෙහිදී පවසා සිටියේ, නීතිය කාටත් සමාන ලෙස ක්‍රියාත්මක කරන අතර, හිටපු පොලිස්පති දේශබන්දු තෙන්නකෝන්ට ද නීතිය ක්‍රියාත්මක කරන බවයි.
සෙව්වන්දී සම්බන්ධ සිදුවීම්, අනුරාධපුර දූෂකයාගේ සිදුවීමේ අවස්ථාවේ නීතිය ක්‍රියාත්මක කළ ආකාරයටද දේශබන්දු තෙන්නකෝන්ටද සැඟවීමට උදව් කරන පිරිස්ද අත්අඩංගුවට ගන්නා බවද ඔහු සඳහන් කළා.
අමාත්‍යවරයා වැඩිදුරටත් පවසා සිටියේ, පොලිසිය නොදන්න තොරතුරු ඔබ දන්නවා නම් ඉදිරිපත් කරන ලෙසයි.
