ඩීසල් අර්බුදය විසඳා ගැනීම සඳහා ලංගම ඩිපෝ හරහා පෞද්ගලික බස්රථවලට ඩීසල් නිකුත් කිරීමට තීරණය කර තිබූ අතර ඒ සඳහා රටපුරා පිහිටි ලංගම ඩිපෝ 50 ක් නම්කර තිබූ නමුත්. කෙසේ නමුත් එම වැඩපිළිවෙල අසාර්ථක බව ලංකා පෞද්ගලික බස්රථ හිමියන්ගේ සංගමයේ සභාපති ගැමුණු විජේරත්න මහතා පවසනවා.
ඩිපෝ 50 කින් ඩීසල් නිකුත් කරන බව බළධාරීන් ප්‍රකාශ කළද පෙරේදා දිනයේදී ඩීසල් නිකුත් කර තිබෙන්නේ ඩිපෝ 03 කින් පමණක් බවයි ඔහු පවසන්නේ.
පෞද්ගලික බස්රථවලට ලබාදීමට තබා ලංගම බස්රථ සඳහාද ඇතැම් ඩිපෝ සතු ඩීසල් තොග ප්‍රමාණවත් නොවන බවත් විජේරත්න මහතා සඳහන් කර සිටිනවා.
මගී බස්රථ ධාවනය සඳහා අවශය ඉන්ධන නිකුත් නොකිරීම හේතුවෙන් ධාවනය කළ හැක්කේ සමස්ත බස්රථවලින් 25% ක් පමණක් බවයි ගැමුණු විජේරත්න මහතා පවසන්නේ. රාත්‍රී කාලයේ බස්රථ ධාවනය සම්පූර්ණයෙන්ම ඇණහිටිනු ඇති බවත් ඔහු වැඩිදුරටත් පවසනවා.
දිවයින පුරා දෛනිකව ධාවනය වන සමස්ත මගී බස්රථ ප්‍රමාණය 5000ත් ඔහු අවධාරණය කරනවා.
