නාමල් රාජපක්ෂ මහතා විසින් නිකුත් කරන ලද ට්විටර් පණිවුඩයක් සම්බන්ධයෙන් දෙරණ මාධ්‍ය ජාලයේ සභාපති දිලිත් ජයවීර පෙරළා ප්‍රශ්න කිරීම මේ වන විට සමාජ මාධ්‍ය තුළ දැඩි කතාබහකට ලක්ව තිබෙනවා.
සමාජ මාධ්‍ය අවහිර කර තිබෙන පරිසරයකදී සමාජ මාධ්‍ය උණුසුම්වීම විශේෂත්වයක්.
ට්විටර් පණිවුඩයක් නිකුත් කරමින් ඩිජිටල් තාක්ෂණ හා ව්‍යවසාය සංවර්ධන රාජ්‍ය අමාත්‍යවරයාද වන නාමල් රාජපක්ෂ මහතා සදහන් කර ඇත්තේ සමාජ මාධ්‍ය අවහිර කිරීම තමන් කිසිසේත් අනුමත නොකරන බවයි.
මීට ප්‍රතිචාර දක්වමින් දෙරණ මාධ්‍ය ජාලයේ සභාපති දිලිත් ජයවීර මහතා ප්‍රශ්න කර ඇත්තේ “ඩිජිටල් තාක්ෂණ අමාත්‍යවරයා ඔබ නොවන්නේද?” යන්නයි.
“මෙම ගැටළුව ඔබගේ බාප්පාට (ගෝඨාභය රාජපක්ෂ) පැවසිය නොහැකිද?” ලෙසද දිලිත් ජයවීර මහතා ප්‍රශ්න කර තිබෙනවා.
මීට යළිත් පිළිතුරු ලබාදෙමින් ඩිජිටල් තාක්ෂණ හා ව්‍යවසාය සංවර්ධන රාජ්‍ය අමාත්‍ය නාමල් රාජපක්ෂ මහතා පවසන්නේ “මම මේ වන විටත් මගේ විරෝධතාවය ඉදිරිපත් කළා. ඇයි ඔබ ඔබේද හොඳ යහළුවෙකු වන මගේ බාප්පාට මේ ප්‍රශ්නය ගැන කතාකරන්නෙ නැත්තේ?” ලෙසයි.
එයට පිස්සු පීකුදු ලෙස හෑෂ්ටැගයක්ද සටහන් කර තිබෙනවා.
