කාබනික පොහොර ආනයනය කිරීම සඳහා ගෙන ඇති තීරණය හරහා රටට විශාල විස රෝග කාරක,අහිතකර ජීවීන්, අහිතකර ශාක වර්ග ඇතුළු වීමේ විශාල අවදානමක් ඇති හෙයින් ඒ සඳහා ගෙන ඇති හදිසි තීරණ වහා නතර කළ යුතු බව ජනතා විමුක්ති පෙරමුණේ නායක පාර්ලිමේන්තු මන්ත්‍රී අනුර දිසානායක මහතා අවධාරණය කර සිටිනවා.
ඒ, ඊයේ (04) ජවිපෙ මුලස්ථානයේ පැවති මාධ්‍ය හමුවේදීයි.
දිගුකාලීන පරීක්ෂණ සැලැස්මක්, දිගුකාලීන තත්ත්ව පරීක්ෂාවේ සැලස්මක් අනුව පමණක් මෙය කළ යුතුව ඇති බවයි මන්ත්‍රීවරයා සඳහන් කරන්නේ.
එසේ සැලැස්මකින් තොරව වඳුරෝ වැස්සට ගෙවල් සාදන ආකාරයට කඩි මුඩියේ තීන්දු තීරණ නොගත යුතු බව ජනාධිපතිවරයා වෙත අවධාරණය කරන බවයි ඔහු වැඩිදුරටත් පැවසුවේ.
