ප්රසිද්ධ සහල් ව්යාපාරික ඩඩ්ලි සිරිසේනගේ පොළොන්නරුව, ඇතුමල්පිටිය අරලිය සහල් නිෂ්පාදනාගාරයට අද (27) පාරිභෝගික සේවා අධිකාරියේ නිලධාරින්ගේ පරික්ෂාවට ලක්ව තිබෙනවා.
එම නිෂ්පාදනාගාරයේ කලමණාකාරවරයා ඇතුළු නිලධාරින් පිරිසක් එහිදී පාර්භෝගික සේවා අධිකාරියේ නිලධාරින් සමඟ සාකච්ඡා කර තිබෙන බවයි වාර්තා වන්නේ
දෛනිකව සිදු කරන සහල් නිෂ්පාදනය කිසිදු ලෙසකින් අඩු නොකරන බවත් සිය නිෂ්පාදනාගරෙයේ සේවකයින් සිටින ප්රමාණය අනුව මෙන්ම ඔවුන්ට ලබා දෙන වැටුප අනුව අදාළ දෛනික කටයුතු සිදු කරන බවත් එහි කලමණාකාරිත්වය පවසා තිබෙනවා.
දෛනිකව සිය නිෂ්පාදනාගාරයේ කිරි සම්බා කිලෝ ලක්ෂ 2 ක්ද, නාඩු සහල් කිලෝ ලක්ෂ 1 ක්ද සකස් කරන බව කලමණාකාරිත්වය පවසා තිබුණා.
ගොවීන් විසින් කිරි සම්බා වගා කල ප්රමාණය වැඩී වීමෙන් මෙම කාලයේදී කිරි සම්බා නිෂ්පාදනය ඉහළ ගොස් ඇති බව අරලිය සහල් නිෂ්පාදනාගාරයේ කලමණාකාරිත්වය මෙහිදී පවසා තිබුණා.
කෙසේ වෙතත් මාස 2 කට ප්රමාණවත් සහල් නිෂ්පාදනාගාරයේ ඇති බව අරලිය සහල් නිෂ්පාදනාගාරයේ කලමණාකාරිත්වය වැඩිදුරටත් පවසා තිබෙනවා.