හිටපු පාර්ලිමේන්තු මන්ත්රී දුමින්ද සිල්වා මහතා බන්ධනාගාර ආරක්ෂාව යටතේ ශ්රී ජයවර්ධනපුර රෝහලේ ප්රතිකාර ලබන බව බන්ධනාගාර දෙපාර්තමේන්තුව පවසනවා.
දුමින්ද සිල්වාට හිටපු ජනාධිපති ගෝඨාභය රාජපක්ෂ මහතා විසින් දෙන ලද ජනාධිපති සමාව අහෝසි කිරීමට ශ්රේෂ්ඨාධිකරණය ඊයේ (17) තීරණය කිරීමත් සමඟ බන්ධනාගාර දෙපාර්තුමේන්තුව මේ බව සඳහන් කළා.
බන්ධනාගාර මාධ්ය ප්රකාශක ගාමිණී.බී. දිසානායක මහතා පවසා ඇත්තේ දුමින්ද සිල්වා මහතා ජයවර්ධනපුර රෝහලේ ප්රතිකාර ලබන බවට බන්ධනාගාර දෙපාර්තමේන්තුව අධිකරණය ඇතුළු අදාළ බලධාරීන්ට දැනුම් දී ඇති බවයි.
එමෙන්ම, දුමින්ද සිල්වා මහතා බන්ධනාගාර රෝහලට මාරු කරන ලෙස බන්ධනගාර දෙපාර්තමේන්තුව දැනුම් දී ඇති බවද ඔහු සඳහන් කළා.
කෙසේවෙතත්, දුමින්ද සිල්වාට ප්රතිකාර කරන විශේෂඥ වෛද්යවරයා විසින් ඔහු ශ්රී ජයවර්ධනපුර රෝහලේම ප්රතිකාර ගත යුතු බවට නිර්දේශ කර තිබුණා.
ශ්රේෂ්ඨාධිකරණය ඔහුට ලබාදුන් ජනාධිපති සමාව අත්හිටුවීමත් සමඟ දුමින්ද සිල්වා මහතා 2022 ජුනි 01 වැනි දින ශ්රී ජයවර්ධනපුර රෝහලේ ප්රතිකාර ලබමින් සිටියදී අපරාධ පරීක්ෂණ දෙපාර්තමේන්තුව විසින් අත්අඩංගුවට ගැනුණා.
භාරත ලක්ෂ්මන් ප්රේමචන්ද්ර මහතාගේ ඝාතනයට මරණීය දණ්ඩනය නියමව සිරදඩුවම් විදිමින් සිටි දුමින්ද සිල්වා මහතා 2021 වසරේ ජූනි මස 24 වැනිදා ජනාධිපති සමාව ලබා නිදහස් වුණා.
භාරත ලක්ෂ්මන් ප්රේමචන්ද්ර මහතාගේ දියණිය වන හිටපු පාර්ලිමේන්තු මන්ත්රී හිරුණිකා ප්රේමචන්ද්ර මහත්මිය ඇතුළු තිදෙනකු ගොනු කළ මූලික අයිතිවාසිකම් පෙත්සම් තුනක් විභාගයට ගැනීමට අවසර දෙමින් ශ්රේෂ්ඨාධිකරණය එම නියෝගය නිකුත් කළා.