වෘත්තීය ආචාර ධර්ම කඩ කළ බවට තමාට එරෙහිව විභාග වන නඩුවකට අදාළව අධික – රණයට අපහාසාත්මක වන කරුණු ඇතුළත් ලේඛන ඉදිරිපත් කළ නීතිඥභාවය අත්හිටුවා ඇති ධර්මසිරි කරුණාරත්න මහතාට එරෙහිව ගොනුකර තිබෙන පැමිණිල්ල අද (28) ශ්‍රේෂ්ඨාධිකරණයේ විභාගයට ගෙන තිබෙනවා.
පැමිණිල්ලේ වගඋත්තරකරුවන ධර්මසිරි කරුණාරත්න මහතා අද ශ්‍රේෂ්ඨාධිකරණය හමුවේ සිහිසුන්ව ඇද වැටී ඇති බව වාර්තා වෙනවා.
නඩු විභාගය පැවති අවස්ථාවේදී බන්ධනාගාර නිලධාරීන් විසින් අධිකරණයට ඉදිරිපත් කර තිබූ ඔහූ “බුදු අම්මෝ” යනුවෙන් කෑගසමින් සිහිසුන්ව ඇදවැටී ඇති බව සඳහන්.
පසුව අධිකරණ ආරක්ෂක නිලධාරීන් සහ බන්ධනාගාර නිලධාරීන් එක්ව රෝද පුටුවකින් ඒ මහතා පිටතට රැගෙන ගොස් තිබුණා.
මෙම පැමිණිල්ල අද මුර්දු ප්‍රනාන්දු, අචල වෙංගප්පුලි සහ අර්ජුන ඔබේසේකර යන මහත්ම මහත්මීන්ගෙන් සමන්විත ත්‍රිපුද්ගල ශ්‍රේෂ්ඨාධිකරණ විනිසුරු මඩුල්ල ඉදිරියේ කැඳවනු ලැබුවා.
අනතුරුව ඉදිරිපත් වූ කරුණු සලකා බැලූ විනිසුරු මඩුල්ල මෙම පැමිණිල්ල පිළිබඳ විභාගය ඔක්තෝබර් මස 30 වනදා පැවැත්වීමටද දින නියම කළා.
