ජපානය, නැගෙනහිර චීන මුහුදට සන්නද්ධ හමුදා යැවීමට සුදානම් වන බව විදෙස් මාධ්‍ය වාර්තා කර තිබේ.
නැගෙනහිර චීන මුහුදේ චීනය විසින් සිදුකරන මෙහෙයුම් සහ මුහුදු සීමා උල්ලංඝනය කිරීම් ඉහළයාම ජපානයේ මෙම තීරණයට හේතුව බව සදහන් වෙි.
නැගෙනහිර චීන මුහුදේ පිහිටි සෙනකාකු දූපත් ජපානය විසින් පාලනය කළද චීනය පවසන්නේ එය තමන්ට අයත් බවයි.
මේ හේතුවෙන් අදාළ මුහුදු කලාපය තුළ බලය වැඩි කරගැනීම සදහා ජපානය මෙන්ම චීනයද අඛණ්ඩ අරගලයක නිරතව සිටියි.
මීට පෙර මසකට දෙවතාවක් බැගින් සෙනකාකු කලාපයේ මුර සංචාරවල නිරතවූ චීන ආරක්ෂක අංශ පෙබරවාරි මාසයේ සිට එය සතියකට දෙවතාවක් දක්වා වර්ධනය කර තිබෙි.
මෙම තත්වය ජපානයේ දැඩි අවධානයට ලක්ව ඇති අතර ඒ අනුව කලාපයට සිය හමුදා යොමු කිරීම කෙරෙහි ජපානය අවධානය යොමු කර ඇති බව විදෙස් මාධ්‍ය වාර්තා වැඩිදුරටත් සදහන් කරයි.
