රජයේ සේවකයන් වැඩවර්ජනයක යෙදුණු පසුගිය ජූලි 08 සහ 09 දෙදින සේවයට පැමිණි රාජ්‍ය නිලධාරීන්ට එක් වරක් පමණක් ගෙවීමට සැලසුම්කර තිබු රුපියල් දස දහසක දීමනාව ලබා දීම සහ ප්‍රශංසා සහතික පත් නිකුත් කිරීම සිදු නොකරන ලෙස මැතිවරණ කොමිසම දැනුම් දී තිබෙනවා.
රාජ්‍ය පරිපාලන ස්වදේශ කටයුතු පළාත් සභා හා පළාත් පාලන අමාත්‍යාංශයේ ලේකම්වරයා වෙත ලිපියක් යොමු කරමින් මැතිවරණ කොමිසම දැනුම් දී ඇත්තේ එම ඇගැයීම් දීමනාව සහ ප්‍රශංසා සහතික ලබා දීම ඡන්ද විමසීමෙන් පසුව සිදු කරන ලෙසයි.
ජනාධිපතිවරයා තෝරා පත්කර ගැනීම සඳහා ඡන්ද විමසීම ප්‍රකාශයට පත් කර ඇති මෙම කාලසීමාවේදී මෙවැනි අමතර ඇගැයීම් දීමනාවක් ලබා දීම දේශපාලන පක්ෂයක් හෝ අපේක්ෂකයකු ප්‍රවර්ධනය කිරීමක් විය හැකි බැවින් එම කටයුතු මේ මොහේතේ සිදු නොකරන ලෙස මැතිවරණ කොමිසම තවදුරටත් පෙන්වා දී තිබෙනවා.
ජූලි 08 සහ 09 දිනවල පැවති වැඩවර්ජනයට එක් නොවූ විධායක සේවයට අයත් නොවන රාජ්‍ය නිලධාරීන්ට මෙම මස වැටුපට රුපියල් දස දහසක මුදලක් සහ ප්‍රශංසා සහතිකයක් ලබා දීමට කැබිනට් මණ්ඩලයේ අනුමැතිය ලැබී තිබුණා.
Related
ජනාධිපතිවරණයට අදාළව පක්ෂ අපේක්ෂකයන් සහ ආධාරකරුවන් සිදු නොකළ යුතු ක්‍රියාවන් පිළිබඳ මැතිවරණ කොමිෂන් සභාව විසින් මැතිවරණ කොමිෂන් කාර්යාලයේදී අද (15) අපේක්ෂකයින්ව දැනුම්වත් කෙරුණා. ඒ අනුව මෙම නිතීවිරෝධී ක්‍රියා, වැරදි, දූෂණ ක්‍රියා සිදුකිරීම, විධාන උල්ලංඝනය කිරීම පිළිබඳ දඬුවම ජනාධිපතිවරයා තෝරා පත් කර ගැනීම පිළිබඳ පනතේ සහ ආණ්ඩුක්‍රම ව්‍යවස්ථාවේ පැහැදිළිව දක්වා ඇතැයි…
විශ්‍රාමිකයින් වෙත ලබාදෙන රුපියල් 3,000ක දීමනාව මැතිවරණ කාලසීමාව තුළ ලබාදීම තාවකාලිකව නතර කරන ලෙස මැතිවරණ කොමිෂන් සභාව දැනුම්දී තිබියදීත් රාජ්‍ය පරිපාලන අමාත්‍යාංශ ලේකම්වරයා විසින් අදාළ දීමනාව ලබාදීම සම්බන්ධයෙන් චක්‍රලේඛයක් නිකුත් කර තිබෙනවා. අදාළ චක්‍රලේඛය ඊයේ (07) දිනයේ අමාත්‍යාංශ ලේකම්වරුන් පළාත් ප්‍රධාන ලේකම්වරුන් සහ දෙපාර්තමේන්තු ප්‍රධානීන් වෙත නිකුත් කර ඇති බවට…
මේ සතිය තුළ මුදල් අමාත්‍යාංශ නිලධාරීන් සමඟ සාකච්ඡාවක් පැවැත්වීමට සුදානමින් පසුවන බව මැතිවරණ කොමිසම පවසනවා. පළාත් පාලන ආයතන ඡන්ද විමසීම පැවැත්වීමට අදාළ කටයුතු වෙනුවෙන් අවශ්‍ය මුදල් ලබා ගැනීම සම්බන්ධනයෙන් මෙම සාකච්ඡා පවත්වන බවයි එම කොමිසමේ සභාපති නීතිඥ නිමල් ජී. පුංචිහේවා මහතා කියා සිටියේ. අවශ්‍ය මුදල් නොලැබීම හේතුවෙන් පළාත් පාලන ඡන්ද…
