ජනාධිපති අපේක්ෂක හිටපු පාර්ලිමේන්තු මන්ත්‍රි ප්‍රේමසිරි මානගේ මහතාට මැතිවරණ කොමිෂන් සභාව අවවාද කර තිබෙනවා.
පසුගියදා සමඟි ජන බලවේගය මාතර , තංගල්ල සහ ඒ අවට ප්‍රදෙශවල පැවැත්වූ රැස්වීම් කිහිපයකට සම්බන්ධ වී එම වේදිකාවළ කතා පැවැත්වීම යන හේතුව මත ඔහුට මෙලෙස අවවාද කර ඇති බවයි වාර්තා වෙන්නේ.
ජනාධිපතිවරණ අපේක්ෂකයෙකු තවත් අපේක්ෂකයෙකුගේ වේදිකාවකට ගොඩවීම මැතිවරණ නීතියට ගැනෙන වරදක් නොවුවද , ආචාර ධර්ම කඩකිරීම සම්බන්ධයෙන් ඔහුට එරෙහිව චෝදනා ගොනුකළ හැකි බවටද මැතිවරණ කොමිෂන් සභාවේ ඉහළ නිලධාරින් අවධාරණය කර ඇති බවද සඳහන්.
මේ සම්බන්ධයෙන් අදහස් දැක්වූ ජනාධිපති අපේක්ෂක හිටපු පාර්ලිමේන්තු මන්ත්‍රි ප්‍රේමසිරි මානගේ මහතා පවසා ඇත්තේ ජනතාවගෙන් ලද ඉල්ලිම් මත තමන් එලෙස කටයුතු කළ බවයි.
