යෝජිත විදුලි බිල ප්‍රතිසංස්කරණ පනත් කෙටුම්පත අමාත්‍ය මණ්ඩලයේ නිරීක්ෂණයට සහ අනුමැතිය සඳහා ඉදිරිපත් කළ බව විදුලිබල සහ බලශක්ති අමාත්‍ය කංචන විජේසේකර මහතා පවසනවා.
අමාත්‍ය මණ්ඩලය ජනාධිපති කාර්යාලයේදී ඊයේ(30) පස්වරුවේ රැස් වූ අවස්ථාවේදී අදාළ පනත් කෙටුම්පත් ඉදිරිපත් කළ බව x පණිවුඩයක් නිකුත් කරමින් අමාත්‍යවයා සඳහන් කරනවා.
මෙම කෙටුම්පත මගින් විදුලිබල මණ්ඩලයේ සේවාවන් අංශ කිහිපයකට වෙන් කිරීම, කාර්යක්ෂමතාවය, විනිවිදභාවය සහ පෞද්ගලික අංශයට ඊට ඇතුළු වීමට අවස්ථාව හිමිවනවා.
බලශක්ති සහ නීති විශේෂඥයින්ගේ සහය ඇතිව වසරකට ආසන්න කාලයක් අධ්‍යයනය කොට මෙම කෙටුම්පත සකස් කළ බව කංචන විජේසේකර මහතා පවසනවා.
අමාත්‍ය මණ්ඩලයේ අනුමැතිය හිමි වීමෙන් පසු එය ගැසට් කර පාර්ලිමේන්තුවේ අනුමැතිය සඳහා ඉදිරිපත් කිරීමට ද නියමිතයි.
