ෆේස්බුක් නිර්මාතෘ මාර්ක් සකර්බර්ග් විසින් අලුතින් එළි දැක්වූ ටිවිටර් ගිණුමට සමාන ත්‍රෙඩ්ස් යෙදවුමට එරෙහිව නීතිය ක්‍රියාමාර්ග ගන්නා බවට ට්විටර් හිමිකරු ඉලෝන් මස්ක් පවසනවා.
ඔහු චෝදනා කරන්නේ මෙම යෙදවුමේ තමන්ට අයත් ට්විටර් යෙදවුමේ විශේෂාංගවලට සමාන විශේෂාංග රැසක් අඩංගු බවයි.
තවද ට්විටර් සමාගමෙන් ඉවත් වූ සේවකයින් යොදා ගනිමින් සකර්බර්ග් මෙම යෙදවුම සකස් කර ඇති බවද මස්ක් ප්‍රකාශ කර තිබෙනවා.
මේ අතර ඊයේ (06) එළි දැක්වූ ත්‍රෙඩ්ස් යෙදවුමට එක්ව ඇති පරිශීලකයන් සංඛ්‍යාව මේ වනවිට මිලියන 30 ඉක්මවා ගොස් තිබුණා.
