තිස්සමහාරාමයේ පිහිටි තිස්ස වැව ප්රතිසංස්කරණය කිරීමේ කටයුතුවල නිරතව සිටින කැලෑ හමුදා ඇදුම් ඇඳගත් චීන ජාතිකයින් සම්බන්දයෙන් මේ වන විට දැඩි කතාබහකට ලක්ව තිබෙනවා.
මේ සම්බන්දයෙන් ට්විටර් පණිවුඩයක් නිකුත් කරමින් මෙරට චීන තානාපති කාර්යාලය එම ප්රවෘත්තිය වාර්තා කළ සිරස නිවුස් ෆස්ට් ආයතනය ප්රශ්න කර තිබෙනවා.
අදාළ ට්විටර් පණිවුඩය මගින් තානාපති කාර්යාලය ප්රශ්න කර ඇත්තේ තොරතුරු සත්යාපනය සහ කරුණු පරීක්ෂා කිරීම මාධ්යකරණයේ තිබිය යුතු අනිවාර්ය කරුණක් නොවන්නේද යන්නයි.
එමෙන්ම ක්ලික්බයිට් හෝ වැරදි තොරතුරු මාධ්යයක විශ්වසනීයත්වයට හානි දායක විය හැකි බවද තානාපති කාර්යාලය පෙන්වා දී තිබෙනවා.
ඒ සමඟ අන්තර්ජාලය ඔස්සේ භාණ්ඩ අලෙවිකරන චීන ජාතික ජැක් මා ට අයත් Alibaba.com වෙබ් අඩවිය උපුටා දක්වමින් තානාපති කාර්යාලය පෙන්වා දෙන්නේ එවැනි කැලෑ හමුදා ඇඳුම් අන්තර්ජාලය ඔස්සේ අලෙවි කිරීමටද ඇති බවයි.
කෙසේ වෙතත් මෙම පිරිස හමුදා සාමාජිකයන්ද, නැතහොත් වැව ප්රතිසංස්කරණය කරන්නට පැමිණි කම්කරුවන්ද යන්න පිළිබදව පැහැදිළි කිරීමක් වෙනුවට මෙවැනි අපැහැදිලි ට්විටර් පණිවුඩයක් නිකුත් කිරීමට චීන තානාපති කාර්යාලය කටයුතු කිරීම බොහෝ දෙනාගේ විවේචනයට ලක්ව ඇති ආකාරයද දක්නට ලැබෙනවා.
මේ අතර මෙම කැලෑ හමුදා ඇඳුම් ඇඳගත් චීන ජාතිකයින් සම්බන්දයෙන් අදහස් දක්වමින් ක්රීඩා අමාත්ය නාමල් රාජපක්ෂ මහතා පවසන්නේ එවැනි ඇඳුම් ඇඳගත් පිරිස් මහමඟදී උවද ඕනෑ තරම් දැකගතහැකි බවයි.