වතු කම්කරුවන්ගේ දෛනික වැටුප රුපියල් 1000ක් දක්වා ඉහළ නැංවීමට එරෙහිව කම්කරු කොමසාරිස්වරයාට විරෝධතා රැසක් මේ වනවිට ඉදිරිපත්ව ඇතැයි එහි ප්‍රකාශකයෙක් ‘නිව්ස් 19’ ට පැවැසීය.
වැවිලිකරුවන්ගේ සංගමය, හාම්පුතුන්ගේ සංගමය සහ කුඩා තේ වතු හිමියන් මෙම විරෝධතාකරුවන් අතර සිටින්නේ යැයි පැවැසේ.
වතුකම්කරු දෛනික වැටුප් රුපියල් 1000ක් දක්වා වැඩිකිරීමට පසුගියදා පඩි පාලක සභාව තීරණය කළ අතර මෙම විරෝධතා ඉදිරිපත් කෙරුණේ එය ගැසට් මගින් ප්‍රකාශ කිරීමට පෙර ලබා දුන් අවස්ථාව යටතේය.
ඒ අනුව විරෝධතා ඉදිරිපත් කිරීමේ කාලය ඊයේ(15) අවසන් වූ අතර අවසන් තීරණයක් ගැනීම සඳහා පඩිපාලක සභාව අනිද්දා(19) රැස්වේ.
