ආරක්ෂක මාණ්ඩලික ප්‍රධානි, යුද හමුදාපති ජනරාල් ශවේන්ද්‍ර සිල්වාගේ සේවා දිගුව නීත්‍යානුකූලව සිදුකර නොමැති බවට සමාජ මාධ්‍ය ඔස්සේ පළවන වාර්තා අසත්‍ය බව ආරක්ෂක අමාත්‍යාංශය නිවේදනය කරනවා.
යුද හමුදාපතිවරයාට ලබා දි ඇති සේවා දිගුව තවදුරටත් වලංගු බවත් එය 2021/12/31 දා සිට බල පැවැත්වෙන බවත් ආරක්ෂක අමාත්‍යාංශය වැඩිදුරටත් පවසනවා.
මේ අතර, තමා ඇතුලු පවුලේ සාමාජිකයන්ට මේවන විට එල්ලවන නින්දා අපහාස දරා ගැනීමට හැකියාවක් පැවතුනු ද රට වෙනුවෙන් රාජකාරීයේ යෙදෙන ත්‍රිවිධ හමුදාව පොලිසිය ඇතුලු ආරක්ෂක අංශවලට අපහාස හිරිහැර කිරීමෙන් වලකින ලෙසට අග්‍රාමාත්‍ය මහින්ද රාජපක්ෂ ඉල්ලා සිටිනවා.
ඒ, ජාතිය අමතා විශේෂ ප්‍රකාශයක් සිදු කරමින්.
අද සියලුදෙනා නිදහසේ මාර්ගවල ගමන් කරන්නේත් විරෝධතාවල නිරතවන්නේත් රණවිරුවන් ජීවිත පරිත්‍යාගයෙන් රටක් ඉතිරිකර තැබීම නිසා බවයි අගමැතිවරයා පවසන්නේ.
