ව්‍යාජ කෙඩිට් කාඩ්පත් යොදාගෙන මුදල් වාංචා කළ චීන ජාතිකයෙක් සහ ලාංකිකයින් තිදෙනෙක් ගල්කිස්ස ප්‍රදේශයේ දී අත්අඩංගුවට ගෙන තිබේ.
මෙලෙස අත්අඩංගුවට ගැනුණු ශ්‍රී ලාංකිකයින් තිදෙනා මහනුවර, ගල්කිස්ස, සහ වරකාපොළ යන ප්‍රදේශවල පදිංචිකරුවන් බවයි වාර්තා වන්නේ.
ඔන්ලයින් ක්‍රමයට භාණ්ඩ සපයන ආයතනයක් විසින් කළ පැමිණිල්ලක් මත එම පුද්ගලයින් අත්අඩංගුවට ගත් බව පොලිස් මාධ්‍ය ප්‍රකාශක, ජ්‍යෙෂ්ඨ නියෝජ්‍ය පොලිස්පති අජිත් රෝහණ මහතා පවසයි.
මෙහිදී ඔවුන් විසින් සාදන ලද ව්‍යාජ ක්‍රෙඩිට් කාඩ්පත් 30ක් පමණ සහ අමුද්‍රව්‍ය සොයා ගැනීමට හැකිව තිබෙනවා.
අදාළ සැකකරුවන් විසින් දින දෙකක් තුළ දී රු.787,000ක මුදලක් වංචාකර ඇති බවයි අනාවරණය වී ඇත්තේ.
අත්අඩංගුවට ගැනුණු සැකකරුවන් අද (21) ගල්කිස්ස අධිකරණය හමුවට ඉදිරිපත් කිරීමට නියමිතයි.
