කොළඹ ජනාධිපති මන්දිරය ඇතුළු පරිපාලන ගොඩනැගිලි ශ්‍රී ජයවර්ධනපුර කෝට්ටේ නගරයට ගෙන යාමට අදාළව ශක්‍යතා අධ්‍යයනය ආරම්භ කර ඇති බව නාගරික සංවර්ධන අධිකාරිය පවසනවා.
නාගරික සංවර්ධන අධිකාරියේ සභාපති නිමේෂ් හේරත් මහතා කියා සිටියේ මේ යටතේ ජනාධිපති මන්දිරයට අමතරව ජනාධිපති කාර්යාලය, අග්‍රාමාත්‍ය කාර්යාලය, අරලියගහ මන්දිරය, කැබිනට් මණ්ඩල ලේකම් කාර්යාලය සහ විදේශ කටයුතු අමාත්‍යංශය යන ආයතනය ශ්‍රී ජයවර්ධනපුර කෝට්ටේ ආශ්‍රිතව ස්ථානගත කිරීමට සැලසුම් කරමින් ඇති බවයි.
මීට අදාළව ආරක්ෂාව තත්ත්ව වාර්තාවක් ද සලකා බලමින් ඇති බවද නාගරික සංවර්ධන අධිකාරියේ සභාපතිවරයා සඳහන් කළා.
කොළඹ නගරයේ පිහිටි වාණිජ වටිනාකමක් ඇති පෞරාණික ගොඩනැගිලි සංචාරක ආකර්ෂණිය ස්ථාන ලෙස සංවර්ධනය කිරීමේ අරමුණින් මෙම වැඩසටහන ක්‍රියාත්මක කිරීමට නියමිතයි.
