අප්‍රේල් 15 වන දින මධ්‍යම රාත්‍රියේ සිට තමිල්නාඩුවේ නැගෙනහිර වෙරළ තීරයේ දින 61 ක ධීවර තහනමක් ප්‍රකාශයට පත් කර තිබෙනවා.
මෙය වාර්ෂිකව ක්‍රියාත්මක වන තහනම් කාල පරිච්ඡේදයක් වන අතර සාගර ජීවීන්ට බෝ වීමට ඉඩ දීම සහ ඔවුන්ගේ උපරිම බිත්තර දැමීමේ කාලය තුළ මත්ස්‍ය තොග නැවත පිරවීම අරමුණු කර ගනිමින් එය ක්‍රියාත්මකයි.
1983 තමිල්නාඩු සමුද්‍ර ධීවර නියාමන පනත යටතේ මෙම තහනම පනවා තිබෙනවා.
ඉන්දීය මාධ්‍ය වාර්තා කළේ, මෙම තහනම් කාලය තුළ රාමේෂ්වරම් හි පමණක් මාස දෙකක කාලයකට බෝට්ටු 700 කට වැඩි ප්‍රමාණයක් නැංගුරම් ලා තිබෙන බවයි.
