මියන්මාර හමුදා පාලනය මඟින් රඳවා ගෙන සිටින අවුන් සාන් සූකීගේ 76 වෙනි උපන්දිනය සමරමින් ඇයගේ ආධාරකරුවන් කොණ්ඩයේ මල් පැළඳගෙන විරෝධතාවන්ට එක් ව සිටි බව වාර්තා වේ.
දශක ගණනාවක් තිස්සේ එරට ප්‍රජාතන්ත්‍රවාදය වෙනුවෙන් පැවති අරගලයේ සංකේතයක් වූ අවුන් සාන් සූකී නිතර ඇගේ හිස මලින් සැරසීමට ප්‍රිය කලාය.
පෙබරාවරි 01වෙනි දා ක්‍රියාත්මක වූ හමුදා කුමන්ත්‍රණයේ ප්‍රතිඵලයක් ලෙස ඇයට නීත්‍යානුකූලව මහමැතිවරණයෙන් හිමි වූ බලය අහිමි වූ අතර ඇය මේ වන විට හිර අඩිස්සියේ පසු වේ.
එය රට තුළ විරෝධතා රැල්ලක් ඇති වීමට හේතු වී තිබේ.
එක්සත් ජාතීන්ගේ මහා මණ්ඩලය සිකුරාදා මියන්මාරයට ආයුධ ගලා ඒම නතර කරන ලෙස එරට හමුදා පාලනයෙන් ඉලීමක් කළේය.
එමෙන්ම සූකී ඇතුළු දේශපාලන සිරකරුවන් නිදහස් කරන ලෙසත් මහමැතිවරණයෙන් ලැබුණු ජන වරමට ගරු කරන ලෙසත් දන්වා තිබේ.
