පාර්ලිමේන්තු ඉතිහාසයේ පළමු වරට සභා ගර්භයට මන්ත්‍රීවරුන් ඇතුළු වන සියලු දොරටු විවෘතව තබමින් පාර්ලිමේන්තු විවාදය පැවැත්වීමට ඊයේ (04) කටයුතු යොදනු ලැබූ බව වේත්‍රධාරී නරේන්ද්‍ර ප්‍රනාන්දු පැවසීය.
කථානායක මහින්ද යාපා අබේවර්ධන සහ මහලේකම් ධම්මික දසනායකගේ අවසරය ඇතිව සභා ගර්භයේ ද ආරක්ෂාවට අභියෝගයක් ඇති නොවන පරිදි හැකිතාක් වාතාශ්‍රය ගමන් කළ හැකිවන පරිදි මන්ත්‍රී ආලින්දයේ දෙපස පැති දොරද විවෘතව තැබූ බව ප්‍රනාන්දු මහතා කීවේය.
කොවිඩ් 19 සෞඛ්‍ය රෙගුලාසිවලට අනුකූලව පාර්ලිමේන්තුව වඩාත් සෞඛ්‍යාරක්ෂිතව තැබීම සදහා පියවර රැසක් ගනු ලැබූ බවද ඔහු කීය.
සභා ගර්භය තුළ වායු සමීකරණ ක්‍රියාත්මක කිරීමේදී පිටතින් වාතාශ්‍රය ලැබෙන පරිදි සිදු කළ බවද වේත්‍රධාරීවරයා වැඩිදුරටත් පැවසීය.
